☝ Aza mandeha am-pahazarana
Raha nandray ity hafatra ity ianao dia midika izany fa te hihaino an'Andriamanitra miresaka aminao indray anio. Mahafinaritra izany! Ho anao manokana, inona no antony nanosika anao hanao izany?
Fantatrao ve, tato ho ato aho dia nanjary tsapako indray hoe impiry aho no manokatra Baiboly, miaraka amin’ny fanantenana mafy hahazo fampaherezana manoloana ny toe-javatra misy ahy ankehitriny. Amin’ny fotoana inona anefa no hanokafana ny Tenin’Andriamanitra mba handre ny Feony fotsiny? Ny mahafantatra ny faniriany... tsy mieritreritra ny FIKASANTSIKA?
Ny teny nanaitra ahy tao anatin’ity andininy ity dia izao manaraka izao:
“Fa izao zavatra izao no nataon'ny tanako. Ka dia ary izao rehetra izao, hoy Jehovah; Nefa izao no olona hotsinjoviko, Dia izay malahelo sy torotoro fanahy Sady mangovitra noho ny teniko.” (Isaia 66:2)
Aza manahy fa tsy tian'Andriamanitra hatahotra Azy ianao. Tena ampiatain’ny fitiavan’Andriamanitra anefa isika, amin’ny Fankasitrahany sy ny Fahasoavany, ka tena mila hozongozoniny kely isika ankehitriny. Satria tsy fametrahantsika ny olantsika fotsiny Izy ary avy eo isika manadino Azy indray.
Tsia, Izy no Andriamanitra izay niteny hoe: "Ny lanitra no seza fiandrianako, Ary ny tany no fitoeran-tongotro; Trano manao ahoana no hataonareo ho Ahy? Ary fitoerana manao ahoana no ho fitsaharako ?" ( Isaia 66:1-2).
Tsy mandeha ho azy ny fifandraisantsika akaiky amin’ny Andriamanitra. Tsy voatery hanome antsika fahafahana hahafantatra Azy bebe kokoa amin’ny alalan’ny Teniny Izy. Tsy voatery mamela ny helontsika antsika Andriamanitra... sady tia antsika!
(Kanefa isika samy mahalala fa mafy amintsika ny mamela ny heloky ny olona izay nandratra antsika tamin'ny zavatra tsy misy dikany!).
Aoka àry isika hitandrina mba tsy hanao tsinontsinona ny fanatonana an’Andriamanitra, satria noho izany indrindra no nanoloranan’i Jesosy Zanany ny Rany sarobidy!
Mampieritreritra ahy ireo hevitra ireo, ka izany no tiako hizarana izany aminao. Enga anie izany hanohina ny fonao mba hidiranao amin’ny fomba vaovao tanteraka amin’ny fanatrehan’Andriamanitra: amim-panajana sy fankasitrahana ary fiderana!
Tsy te handeha amin’ny fahazarana amin’izany fahafahana mahafinaritra izany mihitsy aho, dia ny handre ny feon’ilay Mpamorona izao tontolo izao miteny amiko!
