• MG
    • AR Arabic
    • CS Czech
    • DE German
    • EN English
    • ES Spanish
    • FA Farsi
    • FR French
    • HI Hindi
    • HI English (India)
    • HU Hungarian
    • HY Armenian
    • ID Bahasa
    • IT Italian
    • JA Japanese
    • KO Korean
    • MG Malagasy
    • MM Burmese
    • NL Dutch
    • NL Flemish
    • NO Norwegian
    • PT Portuguese
    • RO Romanian
    • RU Russian
    • SV Swedish
    • TA Tamil
    • TH Thai
    • TL Tagalog
    • TL Taglish
    • TR Turkish
    • UK Ukrainian
    • UR Urdu
Andro namoahana Mar 26, 2025

🙌🏻 Aza manahy !

Andro namoahana Mar 26, 2025

Mieritreritra ve ianao fa olona tena mamokatra tsara ? Izaho manokana dia tena manararaotra ny androko amin’izay fomba tsara indrindra, sady manatsara ny fahaizako ihany koa.

Ankoatry ny asa fanaoko andavanandro, rehefa misy fotoana aho dia mihaino famintinana boky sy mamaky boky momba ny fahazotoana, ny toe-karena, ny fandaminana, ny famoronana… Tiako ny mianatra sehatra maro ! Saingy indraindray, raha tsy mijanona kely aho, dia mety ho reraka amin’ireo asa rehetra ireo, indrindra amin’izao fotoana izao hoe efa manan-janaka izahay ! 

Matetika isika dia miaina amin’ny hafainganam-pandeha be, ka raha tsy mitandrina, dia mety ho tafiditra anaty faribolana mampidi-doza. Noho izany indrindra, hoy ny Baiboly : “Aza manahy na inona na inona…” (Filipiana 4:6).

Jereo miaraka amiko ireto andininy feno fahendrena ireto :

  • “Ary izay manao toy izany no didianay sy anarinay ao amin'i Jesosy Kristy Tompo mba hiasa tsara amin'ny fiadanana ka hihinana izay azy ihany. .” (2 Tesaloniana 3:12)

  • “Ary mba hokendrenareo ny ho tafatoetra tsara sy hitandrina ny raharahanareo ary hiasa amin'ny tananareo araka ny nandidianay anareo” (1 Tesaloniana 4:11)

  • “Aoka izay nangalatra tsy hangalatra intsony; fa aleo hikely aina ka hiasa izay tsara amin'ny tànany, mba hisy homeny izay tsy manana.” (Efesiana 4:28)

Inona no tsapanao amin’ireo tenin’Andriamanitra ireo? Izaho manokana dia mahatsiaro fa antsoina hiasa am-pitoniana aho. Fanasana ho amin’ny fiainana milamina sy asa feno fitoniana izany, tsy amin’ny fikoropahana na fanahiana be loatra, fa amin’ny faniriana ho fitahiana ho an’ny hafa amin’ny alalan’ny asantsika. Ho ahy, ireo andininy ireo dia mitondra fiadanana, filaminana, fifandanjana, fiantrana … Mahafinaritra !

Ry namako, Andriamanitra dia maniry hahita anao faly amin’ny asanao. Tsapanao ve izany fiadanana sy filaminana izany amin’ny asanao ? Inona no fiovana azonao atao mba hahatonga ny asanao ho milamina sy mahafa-po kokoa ?

Mangataha amin’ny Tompo mba hanome fahendrena anao, hahafahanao mandray fanapahan-kevitra tsara ka hiainanao izany amin’ny fomba feno kokoa.

Tena sarobidy amin’Andriamanitra ianao.Fahagagana ianao !

Eric Célérier
Mpanoratra

Eric Célérier is a French pastor and author, and president of Jesus.net. He's recognized for his innovative use of cutting-edge technology to spread the Gospel and connect people worldwide with the Bible.