🌱 Aza atao ambanin-javatra ny fanombohana madinika!

Ny tetik’asa lehibe rehetra dia manomboka amin'ny dingana kely foana.

Indraindray dia manana hevitra, nofinofy, tetik’asa tiantsika hovolavolaina... saingy tsy tanteraka izany. Efa nitranga taminao ve izany? Efa nitranga tamiko izany, matetika loatra ary! =(

Faniriantsika ny handany fotoana bebe kokoa miaraka amin'Andriamanitra, hanomboka orinasa, hianatra fiteny vaovao, na hoe hanompo an'Andriamanitra amin'ny endriny vaovao... saingy amin'ny farany, dia mijanona ho faniriana izany rehetra izany, fa sempotry ny fahasahiranana isan'andro.

Na izany aza, misy fomba iray izay hahatonga ireo faniriana ireo ho lasa mihoatra noho ny fikasana tsara : dia ny fandraisanao andraikitra. Rehefa manomboka manao dingana tsikelikely isika vao mijanona ho eritreritra fotsiny ilay faniriana, ary lasa mivaingana kokoa.

Ny Baiboly dia miresaka momba ny fanombohana madinika ao amin’io andinin-teny fanta-daza io manao hoe: “Fa iza no nanamavo ny andron'ny zava-madinika? Ho faly mahita ny pilao eny an-tànan'i Zerobabela ireo fito ireo, dia ny mason'i Jehovah, izay mijery eny tontolo eny eran'ny tany rehetra..” (Zakaria 4:10).

Jereo ity andininy ity: Ny fanombohana madinika no tian'Andriamanitra! Rehefa hitany fa miasa amin’izay antsoiny isika, dia mampifaly ny fony izany! Na dia dingana kely fotsiny aza, dia ny fiandohana ampanetre-tena no loharanon'ny zavatra goavana.

Aza matahotra manao dingana kely! Indraindray dia mijanona satria te hanao zavatra be loatra indray mandeha, na mitaky ezaka be amin’ny tenantsika loatra. Izany rehetra izany dia mety hanenika antsika sy hitarika antsika hilavo lefona alohan'ny hanombohantsika. Saingy rehefa ny hany tsy maintsy ataonao dia ny manao dingana kely isaky ny mandeha, avy eo ny iray hafa, ary ny iray hafa ... dia lasa tsotra kokoa ny fandehany, ary manomboka mahazo fahatokisana mihitsy aza isika! Ireo dingana kely ireo dia fanalahidin'ny fiainantsika, ary tiako ny hanampy anao hanao toy izany amin'ny lafiny maro amin'ny fiainanao. Miomàna! Andriamanitra dia hanao zavatra lehibe eo amin'ny fiainanao ;)