...ary tampoka teo, nitsahatra indray ny zava-drehetra...
Efa lasa sahady ny Krismasy. Tena tsy mampino e? mandeha be ny fotoana.
Ary raha mbola mitohy manazava ny haizina ny famirapiratan'ny labozia, dia te-hizara hevitra manan-danja aminao aho anio: tamin'ny andro tsotra tanteraka no nitrangan'ity fahagagana mahatalanjona ity!
Maherin’ny 2000 taona lasa izay, ny olona dia naniry fambara velona momba ny fanantenana - ary tamin’izay fotoana izay no teraka ny zaza kely iray teo amin’ny fihinanam-bilona tsotra, izay voalaza hoe: “fa Mpamonjy no teraka ho anareo anie ao an-tanànan'i Davida, dia Kristy Tompo.” ( Lioka 2:11 ).
Ary tsy nitranga tamin'ny andro fety izany! Nanova ny andro tsotra ho andro fety i Jesosy. 🎉
Adinontsika indraindray fa mbola manohy manao fahagagana i Jesosy, na dia anio aza, na dia mety diso fanantenana aza ianao tato ho ato. Ho an'i Jesosy, dia tsy hoe satria efa lasa ny krismasy dia tapitra ny fotoana. Aminy tsy hoe satria mitohy toy ny mahazatra ny fiainana dia efa tara loatra…
Satria raha, tamin'izany fotoana izany, nitranga tamin'iny alina mangina iny ny fahagagana lehibe indrindra, dia mbola afaka ny hitranga anio ihany koa ny fahagagana lehibe indrindra ho anao, ao anatin’ny alina mangina indrindra!
Mitranga ny fahagagana rehefa manome toerana ho an’ny Mpamonjin’izao tontolo izao isika!
Eny, angamba mandalo fotoan-tsarotra ianao izao, ary mahatsiaro ho tototry ny haizina. Fa tsarovy : Jesosy dia tonga hanapaka ny rojon’ny fahamoizam-po, ary hanome anao fiadanana izay tsy voafetra amin'ny Krismasy ihany.
Ao amin’ny Isaia 9:5, dia voasoratra hoe: “Fa Zaza no teraka ho antsika, Zazalahy no omena antsika” (Tiako manokana ny teny hoe “nomena” ao amin’io teny io). “Ary ny fanapahana dia eo an-tsorony, ary ny anarany atao hoe Mahagaga, Mpanolo-tsaina, Andriamanitra Mahery, Rain'ny mandrakizay Andrian'ny fiadanana.”
Mbola manan-kery ankehitriny io fampanantenana io - ho anao. Ary aza adino: ny fahagagana mahatalanjona indrindra dia matetika manomboka amin'ny andro mahazatra ...
Aoka isika hisafidy ny hiaina ny anio amin’ny fo feno FINOANA.
