Ary raha manova fomba fisainana ianao ?

Betsaka ireo olona mijaly noho ny tsy fahitan-tory. Ahoana ny aminao? Ho ahy manokana, zavatra iainako loatra izany. Vao tsy ela, nanontany tena aho hoe ondana tsara ve tsy efa ampy hanatsara zavatra?

Tapakevitra aho ny hanatona tranombarotra voatokana ho amin’izany, nividy ondana feno landihazo. Niteny tamiko ilay mpivarotra hoe : “Ianao ihany dia efa afaka misafidy ny lanjan’ny landihazo tianao atao amin’ny ondanao - amin’izay fotoana izay, mandry amin’ny ondana azo lazaina hoe feno tsara ianao, araka ny safidinao”.

Herinandro vitsivitsy taorian’izay, tonga saina aho fa tsy nisy dikany tamiko akory ilay izy! Tsy nahazo aina ny lohako teo amboniny, ary ratsy torimaso be foana aho…

Voa mafy aho izany, satria ny tena marina tsy nanaraka toromarika aho : tahaka ny tamin’ny nividianako an’ilay ondana ihany no nampiasako azy, tsy namboariko araka ny natoron’ilay mpivarotra ahy akory, sady natevina loatra ho ahy ilay izy! Kanefa, izay indrindra ilay tanjona!

Manontany tena aho indraindray raha mba tahaka izany koa ny fombantsika amin’ny fiainana. Manome antsika fiainana Andriamanitra miaraka amin’ny zavatra azo atao rehetra, saingy tsy trandrahantsika izany. Mipetra-potsiny isika sady miteny hoe : “Misaotra nanome aina, fomba hafa no niheverako azy, saingy izay no zava-misy!”

Kanefa izao no ambaran’Andriamanitra ao amin’ny Teniny : 

“mba hotafinareo ny toetra vaovao, izay noforonina araka an'Andriamanitra.“ (Efesiana 4:24). Satria “Ny zavatra rehetra dia hain'ny mino.” (Marka 9:23)

Mety ho tahaka ny ondako koa ve ny fiainanao, hoe “feno loatra”? Mety ho adinonao ny nangataka tamin’I Jesosy mba hanavao ny sainao, ka dia “nanaiky” fotsiny ianao?

Angamba nilavo lefona ianao, kanefa naninjitra ny tanany aminao Jesosy mba hanova anao, ka hampandroso anao! Tiany ho tanteraka avokoa izay rehetra tsy tanteraka amin’ny fiainanao!

Te hangataka amin’ny Fanahy Masina ve ianao mba hanavao ny sainao sy hanova anao anio?

Fahagagana ianao!