💳 Andriamanitra no handoa ny faktiora

Hono ho aho, fantatrao tsianjery ve ny andininy faha 5 hatramin'ny faha 7 ny Ohabolana faha 3?

Mino aho fa eny :-), satria anio no farany hiresahantsika momba izany. Ny faniriako lalina dia manomboka sy mamarana ny tontolo andronao rehetra any aoriana, amin'ireo andininy ireo voarakitra lalina ao am-ponao - satria MOMBA ANAO Andriamanitra! Hotahiana hatrany ianao!

Eo am-piandrasana fahagagana ara-bola ve ianao?

Ny fanehoan-keviko voalohany rehefa nasain'Andriamanitra namorona hira fiderana vaovao aho dia ny hoe "asa goavana izany", haha. Na dia tsy mampino aza, dia tsy tiako ny miandraikitra ireo "pitsopitsony" amin'ny famoronana hira. Mainka fa ny fandoavana ireo faktiora mivangongo momba ny famokarana.

Na izany na tsy izany aza, nianatra nihaino an’Andriamanitra aho, na dia “tsy mahafinaritra ahy izany” sady tsy manam-bola aho hanatanterahana ny Faniriany. Tsoriko fa mampihomehy ahy izany eritreritra izany, sady mandray an-tsoratra izany teniko izany ihany aho… “Tsy manam-bola hanatanterahana ny fanirian’Andriamanitra aho”! Mampihiratra ny maso! Satria afaka inoanao fa :

Izay natombok’Andriamanitra, dia vatsiany koa!

Izay indrindra no fanapahan-keviny, ny nametraka izany “faniriana” izany ato am-poko.

Izay no itiavako fatratra an'ity andininy iray ity : “Matokia an'i Jehovah amin'ny fonao rehetra, Fa aza miankina amin'ny fahalalanao; Maneke Azy amin'ny alehanao rehetra, Fa Izy handamina ny lalanao.” (Ohabolana 3:5-6)

Amin'izao fotoana hiresahako anao izao, tsy mbola ampy ny enti-manana am-pelatanako hamitako tanteraka ny famokarana. Fa nanohina ahy tamin'ny Fitiavany Andriamanitra (ny Hatsikany!)... Satria nisy tolo-tanana voaraiko tamin'ny kaontiko, tonga dia nieritreritra momba ny famokarana aho, nefa tsia, voasoratra hoe “Ho an’ny champagne sy sushi”.

Toran’ny hehy tanteraka aho! IZANY NY ANDRIAMANITSIKA!

Mandritra ny fotoana hiandrasanao valiny mazava mikasika ny Faniriany, ianao indray no hampifaliany amin'izay fotoana izay!

Hoy aho amin'ny hakelin’ny finoako hoe : “Divay fotsy sy mofo dia efa ampy.”

Saingy tsia, te hananatra ahy manokana Andriamanitra tamin'izay fotoana izay… ary izay vao tena tsapako!

Mampahery anao aho : Diniho indray mandeha raha “Faniriany” ilay nofinofy. Dia matokia ny Tompo, araka ny voalazan’ny andininy, ka mamelà Azy hitarika ny lalanao. Eo am-piandrasana sy fatokisana ny Fitahiany, amin'izay fikasana sy - amin'ny tenanao koa!