Ampitomboy ny herim-ponao!
Hoy Andriamanitra tamin’i Gideona : “Maro loatra ny vahoaka eo aminao, ka tsy hanolotra ny Midiana eo an-tànany Aho, fandrao hirehareha amiko ny Isiraely ka hanao hoe: Ny tanako ihany no namonjy ahy.“ (Mpitsara 7:2)
Izany no nambaran’Andriamanitra tamin’i Gideona izay tena niahiahy fatratra! Manasa anao aho hamaky ny toko faha 6 sy faha 7 ny bokin’ny Mpitsara. Ho hitanao hoe impiry no nanome toky an’i Gideona Andriamanitra, ka namerina hoe : “Homba anao tokoa Aho,” (Mpitsara 6 : 16).
Tsy tsapanao ve hoe hatoky kokoa ianao raha maniraka anjely Andriamanitra ka hiteny anao izany teny izany? Saingy Gideona dia mbola niahiahy ihany… ary vao maika aza niahiahy kokoa rehefa nahenan’Andriamanitra ny miaramilany!!
Ahoana ny aminao? Mety ho miandry fanohanana feno koa ve ianao vao tena hiroso amin’ny tetik’asanao? Mangataka andro mialohan’ny hifantohanao amin’ny nofinofinao? Mila fitiavana bebe kokoa avy amin’ny vadinao vao hahavita hamaly fitia azy? Na koa mila enti-manana kokoa vao afaka hizara?
Sitrak’Andriamanitra ny naka tamin’i Gideona, izay noheveriny ho tena manan-danja indrindra, kanefa ny hany ilainy dia ny finoany…
Te hampianatra azy Andriamanitra fa ilay fisainany hoe : “Mila fandresen-dahatra kokoa aho vao handeha”, dia tsy ho nitondra azy tamin’ny tanjona iriana. Fa kosa ilay fahatokisana hoe : “Ankehitriny, tsy manana na inona na inona afa-tsy Ianao aho, Tompo ô.”, ho hahatonga azy ho tena mpandresy!
Rehefa milatsaka ny fandresen-dahatra dia mitombo ny fahatokisana!
Ianao koa, vonona ny hanova ny fomba fisainanao ve ianao, ilay hoe : “Mila mihoatra kokoa aloha aho” ka ho lasa hoe “Tsy mila afa-tsy Ianao aho, Tompo ô”?
“Tsy mila mihoatra aho - mila Anao aho, Tompo ô”! Hivavaka amin’ny fahatokisana isika anio, mba hamahana ny fatorana rehetra ka hiaina zava-mahagaga!
Fahagagana ianao!
