Ah, maharary amin'ny voalohany ...
Moa ve Andriamanitra tsy mbola nangataka taminao mba hahafoy zavatra tena manan-danja aminao?
Nandritra ny fotoam-piderana iray, dia nizaha toetra ahy Andriamanitra. Nangataka ahy hanome vola ho an’olona izy, na dia efa nataony tao am-poko aza ny hizara boky be dia be maimaim-poana ny harivan’iny. Ary na izany na tsy izany, efa tetik'asa fiantrana io hetsika io.
Raha fintinina: "Miomàna ianao handoa ny sarany. Miomàna hampiasa vola amin'ny boky izay hozarainao, ary ankoatr’izany, hanome ny ampahan’ny volanao ho an'izay sahirana..." 😩😅
Matetika isika olombelona no tsy maintsy miseho ho “mahafatifaty” eo imason’Andriamanitra. Satria rehefa manontany antsika Izy, izay tahaka ny zavatra kely Aminy, dia tiany hojerena fotsiny raha vonona isika ho amin’ny zavatra lehibe kokoa .
Minoa ahy: raha manome ny kely indrindra ianao dia honeran'Andriamanitra anao tanteraka izany.
Mampahatsiahy ahy ny tantaran’ny Israelita niaraka tamin’i Mosesy izany. Ao amin’ny Deoteronomia, hoy i Mosesy tamin’izy ireo:
"Izay nanome anao mana hohanina tany an-efitra, dia zavatra tsy fantatry ny razanao, mba hampanetry tena anao sy hizaha toetra anao ary hanisy soa anao any am-parany;" (Deoteronomia 8:16).
Raha mangataka aminao Andriamanitra mba hanome dia aza avela handalo izany fahafahana izany! Satria manomana anao Izy angamba mba handray MISIMISY… Ary zavatra iray no azo antoka: hahita Azy hiasa eo amin’ny fiainanao ianao!
Te hahafantatra ve ianao hoe ahoana no niafaran'ny takarivako? Eny ary, tamin'ny farany, dia feno mihoatra lavitra noho izay noheveriko ny efitrano fanaovana fampisehoana! Nisy namatsy ilay asa fanasoavana iray manontolo ary nihoatra lavitra aza : nisy ambiny ny vola izay nahafahana nandoa ny fandaniana rehetra.
Fanampin'izay: nisy fanomezana tsy nampoizina tonga tamin'ny alàlan'ny PayPal, izay nahafahako nandoa ny boky rehetra natolotro! Ary ho fanampin'izany rehetra izany, dia niafara tamin'ny fanasan'ny namako ho amin'ny fanasana iray tsy mampino aho, ary ny fiafaran'izany dia nody niaraka tamin’ny fo feno sy heniky ny fankasitrahana an'Andriamanitro aho! Fitiavana mahery tokoa!
Raha mangataka aminao Andriamanitra hanome mihoatra noho izay anananao, dia ho hitanao fa hanome anao mihoatra lavitra noho izay noeritreretinao Izy…
