“Aba, Ray ô” ❤️
Matahotra ve ianao raha mieritreritra hoe mety hitondra ny fiainanao amin’ny lalana tsy fantatrao mihitsy Andriamanitra ? Hisokatra ny masonao amin’ny tenin’ny Romana 8 ! Ary izany indrindra no tanjon’i Paoly : hampahery ny finoan’ireo mpamaky azy. Izao no nosoratany :
“Fa tsy nandray ny fanahim-pahandevozana ho amin'ny tahotra indray ianareo, fa nandray ny fanahin'ny zanaka natsangana,” (Romana 8:15)
Voalohany indrindra, midika izany fa tsy misy tahotra tsapanao amin’izao fotoana izao afaka mamatotra anao ka tsy hahafahanao hiaina am-pahalalahana intsony ! … raha tsy hoe ianao ihany no mamela izany. 🫣
Nahoana ? Hazavain’ny andininy manaraka izany :
“fa nandray ny fanahin'ny zanaka natsangana, izay iantsoantsika hoe: Aba, Ray ô. ” (Romana 8:15)
Manan-jo hiantso hoe “Aba” isika ! Ary lehibe dia lehibe izany ! ❤️
“Aba” dia teny arameana. Mitovy amin’ny hoe “Dada” amintsika izy io. Maneho fanakaikezana, fitokisana ary fifandraisan’ny zanaka sy ny ray izany. Fomba fiteny andavanandro iantsoana ny ray izany. Manaja, nefa sady tena akaiky koa.
Aba : omen’Andriamanitra anao izany fifandraisana akaiky izany, ary ao ianao no voaaro !
Alaivo sary an-tsaina ny zaza kely iray 👧 izay matahotra amin’ny alina ka mihazakazaka any amin’ny efitranon’ny ray aman-dreniny : “Dada, dada!”. Tsy mila milaza zavatra hafa izy : efa azon’i “Dada” tsara izany. Fantany fa tena misy ilay tahotry ny zanany, nefa tsy afaka ny hanimba azy izany. Raisiny eo an-tanany ilay zaza – dia milamina ny zava-drehetra.
Ianao koa, ampy raha miantso hoe “Aba” fotsiny ! Afaka manatona Azy ianao tahaka ny anatonan’ny zaza ny rainy. Fantaro tsara : mety ho toa tsy zaka aminao ny tahotrao – fa ho an’ny “Aba”-nao kosa, tsy mampatahotra izany. Lehibe loatra Izy ka zara raha hita eo anatrehany izay manavesatra anao. Fafany amin’ny tsiky kely fotsiny ny anton’ny tahotrao. 😉
“Fa tsy nandray ny fanahim-pahandevozana ho amin'ny tahotra indray ianareo, fa nandray ny fanahin'ny zanaka natsangana” (Romana 8:15)
Koa matokia an’i Aba amin’ilay lalana vaovao izay iarahany mamakivaky aminao !
“fa nandray ny fanahin'ny zanaka natsangana, izay iantsoantsika hoe: Aba, Ray ô. ” (Romana 8:15)
Fahagagana ianao !
