🕓 20 minitra ?

Singa manan-danja lehibe iray ny fiadanana ho amin’ny fanavaozana ny fanahy.

Jereo ny ambaran’ny mpanao Salamo ao amin’ny Baiboly :

“ Hihaino izay holazain'i Jehovah Andriamanitra aho; Fa hilaza fiadanana amin'ny olony Izy, dia amin'ny olony masina; Koa aoka tsy hiverina ho ao amin'ny fahadalana ireo.” (Salamo 85:8). Nohariana mba hiaina fiadanana isika, ka misy fiantraikany ratsy amintsika ny tsy fisian’ny fiadanana.

Raha ny marina, tsikaritro tamin’ny fomba azo tsapain-tanana izany tamin’ny fiainan’ny zanakay : raha vao mitomany izy ka tsy tambatambazana haingana dia hihamafy hatrany izany ka hivadika ranomaso be. Ny mety indrindra mandritra izany fotoana izany dia ny mandray azy, mibitsika mora eo an-tsofiny sady mandehandeha.

Te hanao toy izany ho anao koa Andriamanitra : efa miresaka aminao amin’ny feo malefaka Izy, manome anao teny fiadanana ho an’ny fiainanao ary mampahery anao mandritra ireo fotoan-tsarotra. Fa ahoana no fomba hiainanao izany fiadanana izany amin’ny andavanandro sy tsy tapaka? Jereo ny ambaran’ny Baiboly : “Ny saina tsy miovaova dia harovanao ao amin'ny fiadanana tanteraka, satria matoky Anao izy.” (Isaia 26:3). Rehefa mahatsiaro lalandava an’Andriamanitra ianao dia afaka miaina tanteraka izany fiadanana izany, izay manova ny zavatra rehetra.

Te hametraka fanontaniana anao aho : Impiry ianao no mahatsiaro an’Andriamanitra anatin’ny andro iray? 5 minitra, 20 minitra, adin’ny iray, adin’ny roa… Inona no azonao atao mba ahatsiarovanao Azy bebe kokoa amin’ny fomba tsy tapaka, amin’ny faharetana sy “tsy miovaova”?

Ry namako, manova ny fomba fijerinao ny fiainanao fiadanana tsy tapaka!

Lasa mijery ny tsipiriam-piainana amin’ny fanahy nohavaozina ianao, feno fiadanana sy fitahiana. Ka raha te hanafika anao aza ilay fahavalo, dia ny hitsoaka anao ihany no azony hatao (Jakoba 4:7).

Fahagagana ianao!