Paska ao amin’ny The Chosen: Antomotra ny famonjena.
Inona no mampiavaka ny Paska ho anao? Ny fahatongavan’ny lohataona ve, sa ny sakafo matsiro, sa ilay fahatsapana ny fanantenana entiny? Ho an’ny maro, ny Paska dia ny fiantraikany nentin’ny fiainan’i Jesosy, ny fahafatesany, ary ny fitsanganany tamin’ny maty.
Fantatrao ve fa afaka miaina sahady ny fanantenan'ny Paska ianao ao anatin'ilay andian-tsarimihetsika The Chosen? Azonao jerena maimaim-poana ato izany. Na dia any amin’ireo andiany any aoriana aza no tena ifantohan’ny Paska, ireo fizarana voalohany ao amin'ny The Chosen dia efa manolotra fomba fijery vaovao momba ireo tantara mampahatsiahy antsika ny Paska. Andeha hojerentsika ny fizarana vitsivitsy.
Andiany 1, Fizarana 1: Maria Magdalena — Nantsoina tamin’ny anarany
Fantatrao ve izany fahatsapana izany rehefa misy olona tena mahita hoe iza marina ianao? Tsy hoe manonona ny anaranao fotsiny, fa tena mahafantatra anao amin'ny maha-ianao anao? Izany dia nitranga tamin’i Maria Magdalena tamin’ny fizarana voalohany tamin'ny The Chosen. Voafandrika tao anatin’ny haizina izy — na ara-bakiteny izany na ara-panoharana. Kanefa teo… i Jesosy! Nantsoiny tamin’ny anarany izy — "Maria." Izany fotoana izany! Saika mitovy tanteraka tamin’ny marainan’ny Paska voasoratra ao amin’ny Jaona 20, fony i Maria Magdalena nahita voalohany an’i Jesosy nitsangana tamin’ny maty. "Maria," hoy Izy, ary dia nanova ny zava-drehetra izany teny tokana izany. Mampahatsiahy antsika izany fa ny Paska dia tsy vitan'ny hoe fotoan-dehibe fotsiny, fa mikasika mihitsy ny fanirian'i Jesosy hahafantatra antsika tsirairay manokana.
Andiany 1, Fizarana 7: Ny Menarana sy ny Hazofijaliana
Iray amin’ireo fotoana mahery indrindra ao amin’ny The Chosen ny fotoana niresahan’i Nikodemosy sy Jesosy momba an’i Mosesy sy ilay menarana varahina (Jaona 3). Jesosy dia niresaka momban’ny Nomery 21, izay nahasitrana ny olona tamin’ny fijerena ilay menarana. Nanazava Izy fa Izy tenany mihitsy no "hasandratra" — nilazany mialoha ny fahafatesany, izay hanombohana Azy amin’ny hazofijaliana sy hanandratana Azy. Ity fizarana ity dia manasa anao hisaintsaina: Ahoana no fahitanao ny hazofijaliana? Toerana fijaliana ve, sa toerana iantombohan’ny fanasitranana sy ny famonjena?
Andiany 2, Fizarana 4: Ny fahasamihafana eo amin’ny Hazofijaliana sy ny Fanasitranana
Tena ho azo tsapain-tanana mihitsy ny fahasamihafana eto amin'ity fizarana ity. Raha nanasitrana lehilahy iray tao Betesda i Jesosy, dia mahita an’ireo Zelota amin'ny hazofijaliana koa isika — porofo mibaribary ny habibian’ny Romana. Tena manaitra ny fahasamihafana: Jesosy dia nifidy ny fanasitranana, ny fiadanana, ary ny fahafoizan-tena, raha toa kosa izao tontolo izao mifikitra amin'ny fahefana sy ny herisetra. Izany no mahatonga ny hafatry ny Paska ho mahery vaika kokoa: Mpanjaka iray izay maty mba hanome fiainana.
Andiany 2, Fizarana 7: Fisamborana sy Fisavoritahana
Ny fisamborana an’i Jesosy ao amin’ity fizarana ity dia toy ny santatra mialoha ny Zoma Masina. Gaga, very hevitra ary raiki-tahotra ny mpianatra — tahaka ny nitranga tatỳ aoriana tao an-jaridaina rehefa nosamborina i Jesosy (Matio 26:56). Ny tena manaitra ahy dia ohatran’ny tena izy tokoa izany. Mampahatsiahy antsika fa ny lalana mankany amin’ny Paska dia tsy fandresena fotsiny, fa tolona, fisalasalana ary indraindray tsy fahombiazana ihany koa. Kanefa, Jesosy dia mitoetra ho mahatoky hatrany.
Mahita ny Paska eo amin'ny fiainanao manokana
Raha sahy mijery akaiky ianao, dia hahita ny Paska eny hita rehetra eny. Tantara momba ny fahafoizan-tena, fitiavana lalina sy manokana, ary koa famonjena sy fahafahana. Tsy ao amin'ny The Chosen ihany no ahitanao izany, fa angamba eo amin'ny fiainanao manokana koa. Ary raha mbola tsy hitanao izany, mety efa maniry izany ianao. Satria ny Paska dia ny fiantraikany lalina sy manokana ny amin'ny fihantsoan’Andriamanitra anao amin'ny anaranao, fitondrany fanarenana, ary fanasany anao hiditra ao anatin'ny tantaram-panavotany.
Koa inona no hataonao amin’izao Paska izao? Mety afaka miaina ampahany amin'izany ianao amin'ny fijerena ny The Chosen. Koa makà kafe na dite iray kopy, mihinàna atody Paska, jereo ny fizarana vitsivitsy, ary avelao ho velona ao aminao izany tantara izany. Iza no mahalala, mety handre ny anaranao koa ianao!
