Ny tahotry ny ho avy…
“Na ahoana na ahoana, efa manakaiky ady vaovao isika…” Azo antoka fa efa nandre io fehezanteny io isika tato ho ato, sa tsy izany?
Indray andro, nisy vehivavy iray nilaza tamiko hoe : “Bevohoka aho, fa mandrara ahy tsy hitazona ity zaza ity ny vadiko satria hoy izy hoe mety hipoaka eto koa ny ady tsy ho ela.” 😓
Tena nanohina ny foko izany. Satria hitako fa maneho zavatra tsapan’olona maro io mpivady io, na dia tsy sahy milaza mivantana aza izy ireo : ny tahotry ny ho avy.
Ary io tahotra io no manosika azy ireo handray fanapahan-kevitra izay tsy ho raisiny mihitsy, raha tsy voafehin’ny tahotra izy.
Ary ianao, anisan’ireo mandray fanapahan-kevitra noho ny tahotra ve?
Jereo izay nolazain’i Jesosy : “Ary lazaiko aminareo sakaizako hoe: Aza matahotra izay mamono ny tena, nefa nony afaka izany, dia tsy mahay manao mihoatra noho izany.” (Lioka 12:4) 🤭
“Tsy afaka manao na inona na inona intsony? Fa tsy misy dikany izany ny fahafatesana?”
Izany no fanontaniana voalohany tonga ao an-tsaiko rehefa mamaky an’io!
Andininy tena mahery io. Ary manomboka amin’ny hoe : “Ry sakaizako” - fitiavana madio, fifandraisana lalina. Avy eo hoe : “Aza matahotra” - fiarovana tian’i Jesosy homena anao. Ary avy eo ilay famaranana mahatalanjona : “Afaka mamono ny tena izy, fa tsy afaka manao na inona na inona intsony.”
Midika izany hoe : Afaka manaisotra ny ainao eto an-tany izy… fa tsy afaka manala ny manaraka : ny mandrakizay anao.
Jesosy tsy manamaivana ny fahafatesana. Fantany tsara ny heviny. Fa asehony koa fa rehefa tonga ny fahafatesana dia tsy mifarana eo ny zava-drehetra.
Ny fahafatesana dia lalana fotsiny… mankany amin’ny fiainana, dia ny fiainana mandrakizay. Ilay tahotra lehibe indrindra fantatrao - efa resin’i Jesosy.
Tsy tiany hiaina ao anatin’ny tahotra ianao, fa ao anatin’ny fiainana feno. Fiainana feno fahatokiana. Fiainana feno fifaliana. Efa manomboka izao. Eny, izao mihitsy.
Satria raha tapitra ny fiainantsika… dia toy ny hoe ny tahotra no nandresy, sa tsy izany? Ka vonona ve ianao hiaina tanteraka ity fiainana ity?
Minoa ahy, tsy kisendrasendra ny nametrahan’Andriamanitra anao eto amin’izao fotoana izao. Nomeny anao ity fiainana ity mba hiainanao miaraka Aminy mandrakizay. 😉
Fahagagana ianao! ❤️
