🧐 Tsotra ve ianao sa sarotiny ?

Ny iray amin’ireo zavatra tiako indrindra amin’ny fandehanana amin’ny fahamarinana dia ny fahatsorana sy ny fitahiana entin’izany eo amin’ny fiainantsika.

Jereo izay ambaran’ny Baiboly : “Mba ho tsy manan-tsiny sady tsy misy fitaka hianareo, dia zanak’Andriamanitra tsy manana adidy eo amin’ny firenena meloka sy maditra, izay isehoanareo tahaka ny fanazavana eo amin’izao tontolo izao.” (Filipiana 2:15).

Tiako ilay fomba fiteny iray ao amin’ity andalan-tSoratra Masina ity izay manao hoe tsy maintsy “tsy manan-tsiny sady tsy misy fitaka” isika.

Sarobidy io fahatsorana io. Eny tokoa, ny fahatsorana no mamela antsika tsy hiova amin’ny toe-javatra rehetra, sy tsy hiatsaravelatsihy.

Io fahadiovan’ny fo io dia mitarika antsika tsy hifosa ny hafa any ambadika any, na hiditra amin’ny fifandirana mba hanaporofoana fa marina isika. Mitarika antsika hiaina amim-piadanana sy amin’ny fitahian’Andriamanitra anefa izany.

Ohatra tsara indrindra amin’ny fahatsorana ny ankizy madinika : tena madio am-po ny zaza, marina foana, tsy misy fihatsarambelatsihy na fikasan-dratsy… ary miaina ao anatin’ny fitahian’Andriamanitra. Izany no antony niantsoan’i Jesosy antsika mba hitovy amin’izy ireo (Matio 18:3).

Ry namako, izany fahatsoran’ny fo izany anie no hanjaka amin’ny fiainanao amin’izay rehetra ataonao !

Mivavaka aho mba hitoetra ho toy izany foana ianao na any ao an-trano miaraka amin’ny fianakavianao, na any am-piasana, na manompo any am-piangonana, na any ivelany miaraka amin’ny namana.

Ity andalana ity dia mampanantena fa hamirapiratra ianao, ary ho fahazavana lehibe ho an’ireo manodidina anao.