🧐 Atao sa tsy atao? Izay no fanontaniana !

Betsaka ny teny izay toa tsy misy dikany eto an-tany ! Tamin’ny fiainako aho dia nahita olona maro izay namerina fomba fiteny mahazatra, mety hoe azo atao ihany, fa amin’ny fampiharana, tsy dia misy dikany amin’ny fiainany loatra.

Mifanohitra tanteraka amin’ny fahamarinana. Mamelombelona kokoa ny mihaino olona marina, izay manaraka izay lazainy, ny zavatra inoany ary ny zavatra ataony !

Jesosy no ohatra tsara indrindra amin’ny fahamarinana. Sady mitory teny Izy no niaina tanteraka izay nolazainy. Ny Teniny dia iray Taminy mihitsy. Tsy niova mihitsy Izy, na tamin’Izy nitory teny ho an’ny vahoaka, na tamin’Izy niaraka tamin’ny Mpianany, na tamin’Izy nivavaka irery tany anaty ala.

Ry namako, fotoana izao hifanarahan’ny tenintsika amin’ny maha-isika antsika marina. Aoka hiala tanteraka amin’ny fiainantsika ny endrika farisiana rehetra, satria hoy Jesosy “satria miteny ihany izy, nefa tsy manao.” (Matio23.3). Tsy tokony ho tahaka izany ny eo amin’ny fiainantsika :
Aoka ataontsika izay zavatra nolazaintsika fa ho atao.
Aoka tsy hatahotra ny ho marefo isika ary hizara amim-pahendrena izay zavatra iainantsika amin’ny hafa.
Raha manosika antsika ny ambom-po dia aoka tsy haneho endrika izay tsy tena isika isika.
Mangataha famelan-keloka amin’ny hafa amim-panetretena rehefa nanao izay nampahory azy ireo isika.
Andao hiresaka amin’ny mangarahara sy fahendrena.

Ry namako, izany no ezaka ataoko isan’andro. Ao anatin’ireo lahatsoratra izay alefako, miezaka aho mizara aminao ireo traikefako, ny adiko sy ny fandreseko, am-pitandremana sy amin’ny fahatsoram-po.

Mino amin’ny foko rehetra aho fa miresaka aminao Andriamanitra ao anatin’izany teny izany, ary koa mifanaraka amin’ny zavatra iainanao ny zavatra nozaraiko.

Raha tsapanao fa tsy manana io firindrana io ny fiainanao, tianao ve ny hanandrana ny hiaina sy hamelabelatra ireo teboka nozaraina etsy ambony manomboka anio ? Te hanaraka ahy ao anatin’izany fomba fiaina tsara izany ve ianao ? Manome toky anao aho fa tena mendrika ny vokatra ho azo !

Ato am-poko ianao.