🥊Anjaranao izao no miady! ;)

Tena zava-dehibe ity lohahevitra mahakasika ny eritreritsika ity, satria, araka ny hitantsika omaly, ny eritreritsika dia mamaritra izay inoantsika, ary koa ny zavatra ataontsika.

Ny fahavalo dia rain’ny lainga (Jaona 8:44), ary manova ny zava-misy marina izy, ka mitady hanome antsika fomba fijery diso momba ny toe-javatra.

Eritrereto izao : efa nahita ny iray tamin’ireo sarimihetsika izay ahitana olona roa mifandrina ve ianao, kanefa nandritra ny ady dia ny iray amin’izy ireo tsy maintsy nampiasa hafetsena ratsy mba hanapoizinana ny iray ?

Efa hitanao angamba ity karazana seho ity izay hitan’ny iray amin’ireo mpifanandrina fa lasa manjavozavo ny zava-drehetra, miodinkodina ny zava-drehetra manodidina azy, ary lasa tsembo-dratsy izy, miezaka mampihiratra ny masony bebe kokoa, ary koa miezaka ny hahatakatra ny zava-mitranga aminy. …

Izao no paikadin’ny fahavalo amintsika: amin’ny alalan’ny laingany, tiany ho zavatra diso no hitan’ny masontsika. Miezaka manery antsika hino ny fomba fisainana ratsy rehetra izy, mba hisy vokany eo amin’ny fiainantsika manontolo ireo eritreritra misy poizina ireo.

Izany no fomba ataony hahafanina sy hampahalemy antsika ary hampaharesy antsika.

Ary soa ihany, toy ny amin’ity karazana sarimihetsika izay noresahiko taminao etsy ambony ity, ny mpilalao fototra dia afaka mandamina ny eritreriny ary manomboka miady indray amin’ny fifantohana tsara. Ankehitriny, anjarantsika indray izao no miady ! ;D

Ary tsy hisalasalana fa ny fitaovam-piadiana tsara indrindra ho an’izany dia ny fahamarinana. Noho izany indrindra, araka ny andalan-tsoratra masina hitantsika omaly, ny apostoly Paoly dia nanomboka ny fampaherezana nataony tamin’ny fanoroana hevitra antsika mba hieritreritra ny amin’ny “Farany, ry rahalahy, na inona na inona marina, …” (Filipiana 4:8).

Ry namako, inona no fahamarinan’Andriamanitra mahakasika ireo lafiny ratsy eo amin’ny fiainanao?