🤷🏻‍♂️ Tsy te hiala ao an-dohako intsony izany !

Hitanao, misy hira malaza sasantsasany, rehefa renao, dia tsy mety afaka ao an-dohanao intsony ! Azonao tsara ny zavatra lazaiko, sa tsy izany ?
Mahazo ahy izany amin’ny hira toy ny amin’ny horonantsary ary matetika ao amin’ny trano fidiovana na mandritra ny asa tsy mitaky fifantohana be loatra. Ary tampotampoka eo dia indro aho mieritreritra tranga iray hitako tao anaty andian-tantara na mpilalao iray nahasarika ahy.
Ny zavatra hitantsika sy rentsika no tena mamahana ny ao anatintsika. Izany no antony mahazava-dehibe ny fahafahantsika mitandrina izay avelantsika miditra ao anatintsika, amin’ny alalan’ny fahatsapantsika.
Toy ny amin’ny sakafo ihany : izay jerentsika amin’ny masontsika sy izay henointsika amin’ny sofintsika no mamahana ny fanahintsika, na amin’ny tsara na amin’ny ratsy. Na isika manome sakafo ara-pahasalamana sy voalanjalanja azy, na isika manome sakafo tsy misy dikany azy.
Raha ny marina dia miresaka momba ireo “manana maso feno fijangajangana” ny Baiboly. (2 Petera 2:14)
Ry namako, aza toy ireny fa tandremo ny fonao anio ary mialà amin’ireo karazana fako ara-panahy rehetra eo amin’ny fiainanao.
Ho feno ny fahadiovana sy fahamasinan’Andriamanitra anie ny masonao sy ny ahy ! Hahafaly ny fony anie izay rehetra miditra ny masontsika sy ny sofintsika. Hitondra vokatra tsara eo amin’ny fiainantsika izany !
Hitoetra eo amin’ny fiainanao anie ny fitahian’ny Tompo, anio ary ho mandrakizay.