🟢 Tsy misy fiverenan-dàlana!

Ry namako, tena faly aho fa afaka manomboka herinandro vaovao miaraka aminao, hanohy hitombo amin’ny fifandraisana amin’Andriamanitra isika!
Efa nandre ity hira iray ity ve ianao, tahaka izao ny fiverenany: “Mandroso hatrany, tsy miverin-dalana”?
Rehefa miaina ny herin’ny asan’Andriamanitra eo amin’ny fiainantsika isika, dia tena mahatsapa fiovana lehibe tokoa, ka misy feo avy ao am-pontsika manao hoe : Aza miverin-dalana.
Ny zavatra nisy tany amin’ny lasa dia tsy azo ampitahaina amin’ny fitiavana sy ny fiadanan’Andriamanitra izay niainantsika fony vao nihaona taminy isika. Manana fiainana vaovao isika izao, ary tsy te hifantoka amin’ilay taloha intsony!
Ny fomba tsara indrindra tsy hampihemotra dia ny mandroso hatrany. Rehefa mijanona sy tsy mihetsika intsony isika dia lasa miverina amin’ny lasa… fa raha manohy mandroso isika dia tsy misy atahorantsika !
Izany indrindra no antony mahatonga ahy te hamakafaka miaraka aminao mandritra ity herinandro ity, ireo zavatra manan-danja ao amin’ity andalana manokana ity, izay nandrisika ahy handroso hatrany. Izany andalan-tSotra Masina izany dia hita ao amin’ny Hebreo 12:1-2, izay voasoratra hoe :
“Koa amin’izany, satria misy vavolombelona maro be toy izany manodidina antsika toy ny rahona, dia aoka isika koa hanaisotra izay rehetra mitambesatra amintsika mbamin’ny ota izay malaky mahazo antsika, ary aoka isika hihazakazaka amin’ny faharetana amin’izao fihazakazahana filokana napetraka eo anoloantsika izao, mijery an’i Jesosy, Tompon’ny finoantsika sy Mpanefa azy, Izay naharitra ny hazo fijaliana, fa tsy nitandro henatra, mba hahazoany ny fifaliana napetraka teo anoloany, ka dia efa mipetraka eo amin’ny ankavanan’ny seza fiandrianan’Andriamanitra Izy.”
Inona no azonao raisina ao anatin’ity andalana ity? Raha izaho manokana ny zavatra eritreretiko voalohany dia :

• Mitokana ianao.
• Mihazakazaha
• Jereo Jesosy

Tena mampianatra ahy izany! Ary amin’ity herinandro ity, hiara-hijery teboka maro hafa isika! =) Antenaiko fa tena hitondra fampianarana ho anao koa izany.
Ry namako, mahareta! Miandry anao ny fampanantenan’Andriamanitra.