😷 Ny valan’aretin’ny taonjato faha-20

Efa niaina adin-tsaina ao aorinan’ny fialantsasatra ve ianao? Adin-tsaina izay tsapanao rehefa hiverina amin’ny fiainana andavan’andro ianao ao aorinan’ny fotoana fialantsasatra.

Volana “Fidiran’ny mpianatra” ny Septambra. Amin’ny firenenana maro, volana izay ao aorinan’ny fialan-tsasatra lehibe, izay hiverenana amin’ny asa aman-draharaha, satria miverina any an-tsekoly ny ankizy ary miverina ny fahazarana amin’ny fiainantsika andavanan’andro. Volana tena mampiasa saina ho an’ny olona maro, indrindra tao aorinan’ny valan’aretina izay nandrava izao tontolo izao, tamin’ny fanakorontanana ny zavatra rehetra izay nandalovany.

Ry namako, raha mahatsiaro miasa saina amin’izany tranga izany ianao, dia te hampahery anao ao : manana Ray izay tia anao sy mikarakara anao ianao. Tadidio ny lazain’ny Baiboly : “Koa aza mitady izay hohaninareo na izay hosotroinareo ianareo, ary aza miahanahana. Fa ny jentilisa amin’izao tontolo izao dia fatra-pitady izany rehetra izany; fa ny Rainareo mahalala fa tokony ho anareo izany zavatra izany. Kanefa katsaho ny fanjakany; dia hanampy ho anareo izany zavatra izany.” (Lioka 12.29-31) Eny, mikarakara anao Andriamanitra, misafidiana tsy hiaina ao anaty adin-tsaina !

Maro no mihevitra fa ny adin-tsaina dia valan’aretin’ny taonjato faha-20. Raha manakaiky ny fifidianana, aza ho isan’ireo izay miasa saina, fa vakio ary ambarao mafy ny adinin-tsoratra masina etsy ambony. Matokia raha efa nitondra am-bavaka ilay toe-javatra ianao, Andriamanitra dia… ary hifehy izany.

Hivavaka isika : “Tompo o, misaotra fa Ianao no Rainay sady mikarakara anay. Maniry aho ny hianatra misimisy amin’ny andro ho avy, mba ho afaka tanteraka amin’ny fiantraikan’ny adin-tsaina eo amin’ny fiainanay izahay. Amin’ny anaran’i Jesosy. Amen!”

Ankafizo ity andro ity.