😋 Mianara afa-po !

Anisan’ny zava-tsarobidy ao amin’ny Fanjakan’Andriamanitra ny hoe afaka mitombo hatrany hatrany eo amin’ny lafim-piainantsika rehetra isika. Miasa ao anatintsika Andriamanitra, ary afaka manatsara hatrany ny atao sy ny fitondran-tenantsika isika, mba hahazoana ny fitahiany eo amin’io lafiny io !

Dia tahaka izany mihitsy ny fahafaham-po. Angamba tsy tsapanao izany fahafaham-po lalina izany, izany fahafaham-po izay asain’Andriamanitra hiainantsika izany…

Ny vaovao tsara dia azonao iainana tsara izany fahafaham-po izany. Ny Baiboly dia milaza fa afaka hianaranao ny miaina an’izany.

Izany no nolazain’ny apostoly Paoly tamin’ny Filipiana : “…fa izaho efa nianatra tsy hierina na manao ahoana na manao ahoana.” (Filipiana 4:11)

Eny, azo ianarana ny fahafaham-po. Ny tena marina, tsy teorika ny fianarana azy fa amin’ny fampiharana avy hatrany.

Isaky ny mandalo fotoan-tsarotra ianao, dia manana fahafahana vaovao hanombohana isaorana an’Andriamanitra fa eo akaikinao Izy, ary afaka mifaly amin’izay rehetra omeny anao amin’io andro io ianao.

Ry namako, araraoty ny fotoana rehetra hifalianao amin’Andriamanitra.

Na mora na sarotra ny zavatra lalovanao, mivavaka aho mba afaka hibanjina an’i Jesosy ianao, dia hilaza tahaka ny apostoly Paoly, ao amin’ny andinin-tsoratra masina ao aloha ao : “Mahay ny zavatra rehetra aho ao amin’ilay mampahery ahy.” (Filipiana 4:13)