😄 Mizarà amin-kery !

Mahaliana tokoa ny mandinika ny fiantraikan’ny fiangonan’ny Asan’ny Apostoly tamin’ny tontolo manodidina azy !

Raha vao nandray ny famangian’ny Fanahy Masina ny mpianatra dia nanomboka nisy zavatra niova ho an’izy ireo. Nanomboka nanao zavatra tsy nahazatra azy ireo izy : 

• Nitory ampahibemaso ny fahagagana nataon’Andriamanitra izy ireo (Asan’ny Apostoly 2:11).
• Nanomboka nitory an’i Jesosy tsy nisy tahotra izy ireo (Asan’ny Apostoly 2:14).
• Tena feno ny Hery sy ny Fanatrehan’Andriamanitra ny fitorian’izy ireo ka nahakasika ny fon’ny olona (Asan’ny Apostoly 2:14).

Vokatr’izany dia olona marobe no nanolotra ny fiainany ho an’I Jesosy nandritra ny fitoriana voalohany nataon’I Petera. Milaza tokoa ny Baiboly fa “izay nandray tsara ny teniny dia natao batisa: ary tokony ho telo arivo no olona vao nanampy ho isany tamin’izany andro izany” (Asan’ny Apostoly 2:41).

Tsy ratsy kosa izany raha toriteny voalohany imasom-bahoaka ! =) Saingy mazava ho azy hoe tsy kisendrasendra izany fa vokatry ny fotoana nivavahan’izy ireo andro maro talohan’izay tao amin’ny efitra ambony sy ny Fanahy Masina izay niasa tamin’ny alalany tamin-kery.

Ny tenintsika, izay tarihin’ny Fanahy Masina dia manana fahefana mahagaga manova olona. Izany no mahatonga an’Andriamanitra nankahery an’i Paoly apostoly ary mankahery antsika ihany koa raha milaza hoe “Aza matahotra, fa mitenena ihany, ka aza mangina … fa manana olona maro amin’ity tanàna ity aho” (Asan’ny Apostoly 18:9-10).

Ry namako, fotoana izao izarana amin-kery izay nataon’Andriamanitra tamin’ny fiainanao ary amelana ny Fanahy Masina hiasa amin’ny fiainan’ny olona.

Afaka andro vitsivitsy dia hizara loharano aminao aho, izay inoako fa hitondra revôlisiôna ho anao mba hiainanao ny finoanao amin’ny fomba feno fahavelomana sy sahy kokoa.

Aza miala lavitra fa ho fanomezana hitondra fitahiana lehibe ho anao izany ! 😀