🕊Maniraka ny anjeliny ho anao Andriamanitra!

Efa nanontany tena angamba ianao hoe manao ahoana ny endrik’ireo anjely. Amin’ny ankapobeny, mahaliana ny rehetra io lohahevitra momba ny anjely io ary manitikitika antsika.
Raha izaho manokana, hatramin’ny fahazazako, dia efa nahavariana ahy foana io resaka io. Mbola tsy nahita anjely mihitsy aho (raha ny fahalalako aloha), saingy tiako ny fijoroana vavolombelona nataon’ireo izay nahita azy ireo.
Tianao hitantaraiko iray amin’ireo ianao, sa tsy izany? =) Andeha ho zaraiko aminao ity iray ity : Taona vitsivitsy lasa izay, indray hariva, nisy namako nody tara avy niasa. Rehefa nidina ny fiara fitateram-bahoaka izy, dia nisy lehilahy maromaro nanomboka nanaraka azy, ary nanao resaka hafahafa taminy.
Hitany fa nihananakaiky azy hatrany izy ireo, ary tena ratsy ny zavatra tao antsain’izy ireo. Tao anatin’ny tahotra, dia nikiakiaka izy hoe : “Avelao aho, amin’ny anaran’i Jesosy!”
Tamin’izay fotoana izay, dia nandre azy ireo nijanona izy ary nifampiresaka tamin-tahotra hoe : “Fa inona izany mamirapiratra be izany? Inona ity hazavana ity?” Rehefa nitodika izy dia nahita azy ireo nandositra sady raiki-tahotra tanteraka. Niaro azy tamin’ny tarehin-javatra tena mampidi-doza Andriamanitra tamin’ny alalan’ny fandefasana anjely! Voninahitra ho an’Andriamanitra!
Tia tantara momba ny anjely isika, saingy fantatrao ve fa izy ireo no te hahalala ny tantarantsika? Milaza ny Baiboly fa “ny anjely aza maniry hijery azy io”. (1 Petera 1:2), izay ilazana ny asa ataon’ny Fanahy Masina eo amin’ny fiainantsika.
Eny, ry namako, toy ny anjely ianao ho an’ireo anjely! Tena manan-danja tokoa ianao amin’ny maha-zanak’Andriamanitra anao, hany ka manana iraka hanampy anao ny anjely, satria izy ireo dia “ fanahy manompo izy rehetra, nirahina hanao fanompoana ho an’izay handova famonjena”. ( Hebreo 1.14) Mahavariana, sa tsy izany? Andriamanitra dia miambina sy miaro anao isan’andro.
Mivavaka aho mba hanana tontolo andro mahatalanjona eo amin’ny fanatrehany ianao.