🔦 Matahotra ny aizina ve ianao?

Mahita tory tsara ve ianao amin’ny alina? Misaotra an’Andriamanitra fa matory izaho aloha dia matory tsara! Matetika manenjika zavatra be dia be aho mandritra ny tontolo andro, ka raha vao midaboka amin’ny ondana ny lohako dia renoky ny torimaso avy hatrany! xD
Heveriko fa amin’ny maha-olombelona antsika dia manana tahotra ny alina sy ny aizina isika rehetra, sa tsy izany?
Matetika ny ankizy kely no matahotra ny aizina. Saingy raha ny zava-misy, na dia efa lehibe aza isika dia mbola miatrika karazana haizina sy tahotra isan-karazany.
Ry namako, fotoana izao hialana amin’izany tahotra izany, ary hianarana miantehatra amin’ny Tompo.
Manana loharanon-pahazavana lehibe indrindra isika: Andriamanitra. Hoy i Jesosy: “Izaho no Fahazavan’izao tontolo izao; izay manaraka Ahy tsy mba handeha amin’ny maizina, fa hanana ny fahazavan’aina.” ( Jaona 8:12 ).
Eny, mazava Andriamanitra, ary ny fahazavany dia te-hamirapiratra aminao sy hitarika anao isan’andro amin’ny fiainanao, amin’ny dingana rehetra ataonao. Mandehana amin’ny fahazavana sy ny fitahian’Andriamanitra. Vonona ve ianao ?