📜 Mitady anao Andriamanitra

Heverinao ve fa mila fankasitrahana Andriamanitra?
Nandritra ny taona maro, dia nihaona tamin’ny olona maro izay manao ho adidy ny fanompoam-pivavahana aho. Tahaka izany koa ve ianao?
Heritreretiko fa isika dia afaka mino, fa misy fotoana , dia mila ny fiderantsika Andriamanitra, mety hoe manery izany mihitsy aza Izy.
Azontsika atao ny mihevitra ny fiderana ho toy ny asa tsy maintsy ataontsika, hany ka mety ho tonga an-tery, na noforonina, na safosafoina fotsiny aza indraindray.
Fa raha ny tena izy, ny fiderana dia tsy fiafarana: fomba iray hampifandray antsika bebe kokoa amin’Andriamanitra ihany izany.
Raha ny marina, fantatrao ve fa tsy voatery hitady ny fiderana ataonao Andriamanitra? Ianao no mahaliana Azy kokoa noho ny fiderana ataonao.
Izao no lazain’ity andalan-tsoratra masina ity: “Fa avy ny andro, sady tonga ankehitriny, raha ny tena mpivavaka hivavaka amin’ny Ray amin’ny fanahy sy ny fahamarinana; fa ny Ray koa mitady ny mpivavaka aminy ho tahaka izany. ( Jaona 4:23 ).
Tsy mitady fanompoam-pivavahana Andriamanitra: mitady olona manompo Azy amin’ny fo madio Izy, olona maniry ny hiaraka Aminy mihoatra noho ny zavatra rehetra.
Izany no mahatonga ny fiderana tena izy tsy afaka atao afa-tsy amin’ny fanahy sy ny fahamarinana ihany. Eny, fihetsika ara-panahy lalina izany, ary tena marina.
Ny fiderana dia mivoaka avy ao am-ponao lalina, ary mampifandray anao amin’ny fon’Andriamanitra. Rehefa mivavaka toy izany ianao dia misy fifandraisana manokana, izay mahatonga anao hahatsapa ho miaina kokoa noho ny hatramin’izay.
Ry namako, mitady anao Andriamanitra anio! Tiany ny mandre ny antson’ny fonao izay asandratrao Aminy mandritra ny fotoam-piderana, ary amin’izay fotoana izay dia tiany ny hikasika ny fiainanao amin’ny fitiavany sy ny heriny.
Eny, noforonina hidera an’Andriamanitra isika. Hiditra lalindalina kokoa isika rahampitso.