💬 Teny manova fiainana !

“Mahereza sy matanjaha” dia iray amin’ireo fehezanteny malaza indrindra ao amin’ny Baiboly, ary midika zavatra lalina izy io rehefa mianatra momba ny fiainan’i Josoa isika.

Manana fo miavaka i Josoa, zanak’i Nona, ilay mpiara-miasa akaiky indrindra tamin’i Mosesy. Tamin’ny fotoana nanononana azy voalohany anaty Baiboly dia efa nanompo an’i Mosesy tamin’izay rehetra nilany azy izy. Tsy izany ihany, fa milaza ny Baiboly fa “tsy niala tamin’ny lay” (Eksodosy 33:11) i Josoa, ilay toerana nanatrehan’Andriamanitra. Ary raha nandefa azy hijery ny Tany nampanantenaina izy, dia isan’ireo vitsy nino izy, fa afaka hanao ny tsy hay Andriamanitra mba hanome azy ireo io tany io.

Tonga ny fotoana nanendrena an’i Josoa hisolo an’i Mosesy ary hitarika ny vahoakan’Israely hiditra ao amin’ny Tany nampanantenaina. Tamin’izay indrindra no nanambaran’Andriamanitra azy ny iray tamin’ireo hafatra izay nanamarika ny fiainany. Ary tsy izy irery ihany no voakasik’izany… fa an-tapitrisany maro koa no efa voakasik’io andininy io ao anatin’ny tantara.

Ry namako, manana fampanantenana ho an’ny fiainanao koa Andriamanitra, ary mila herim-po sy fahasahiana ianao mba hahatanteraka izany! Mandritra ny andro vitsivitsy dia handinika io andininy malaza ao amin’ny Baiboly io isika, ary ho hitantsika ihany koa ireo fanalahidin’ny fiainan’i Josoa, izay hanampy anao handresy sy hahazo izay rehetra efa voaomana ho anao. Vonona ve ianao?

Ry namako, miandry anao ny Tany fampanantenana.