🏴‍☠️ Tandremo ! Tena poizina izany !

Efa niaina fanaratsiana ve ianao indraindray? Amin’ny maha-olombelona antsika dia manana fahazarana mifosa sy mitsikera olona ary mitaraina momba ny zavatra sy ny olona izay tsy mifanaraka amin’ny saintsika isika.

Mety hihevitra isika fa ara-dalàna ny fifosana ka tsy misy maharatsy izany loatra… Fa raha ny marina, dia poizina ho an’ny fanahintsika izany ka mamoaka ny ratsy indrindra ao anatintsika sy ao amin’ny hafa, fitaovana iray ampiasain’ny aizina.

Imbetsaka i Paoly no nanonona izany niaraka tamin’ny fahotana lehibe hafa, toy ny tamin’izy nilaza tamin’ny fiangonan’i Korinto hoe: “ Fa matahotra aho, fandrao, rehefa tonga aho, dia hahita anareo ho toy izay tsy tiako, ary ho hitanareo aho ho toy izay tsy tianareo ; fandrao hisy fifandirana, fialonana, fiafonafonana, fifampiandaniana, fanaratsiana, fibitsibitsihana, fieboeboana, fikotranana » (2 Korintiana 12:20).

Tsy fantatro hoe hatraiza ny fiantraikan’ny fanaratsiana eo aminao, kanefa azonao an-tsaina ve ny hitranga raha toa ka, amin’ny resaka ataontsika dia zavatra tsara, feno hazavana sy fitahiana ihany no lazaina? Ho Voninahiny izany =) Ho tsara ho anao sy ho an’ny hafa izany!

Eny, ry namako, izao no fotoana tokony hitenenantsika teny fiainana sy fitahiana fotsiny! Ary rehefa mila miresaka foto-kevitra sarotra amin’ny hafa isika, dia aoka isika hanao izany amin’ny fitiavan’Andriamanitra sy am-pahendrena, mba hampandrosoana.

Ho hitantsika mandritra ity herinandro ity izay mety ho fototry ny fanaratsiana eo amin’ny fiainantsika,ary hozaraiko amintsika ireo fanalahidy izay hanampy antsika hanafaka tanteraka ny tenantsika amin’izany. Hahatsiaro ho afaka tokoa ianao aorian’izany! =D

Taratry ny voninahitr’Andriamanitra ianao ry namako.