✅ Havaozy ny sainao, ovao ny fiainanao!

Tena faly aho afaka miresaka momba ity lohahevitra ity miaraka aminareo, satria rehefa  mizara izany fampianarana izany aminareo aho, dia mahazo hery sy fampaherezana koa!

Mino aho fa samy manana zavatra mila hazavaina sy hifantohana ao amin’ny eritreritsika. Izany no mahatonga ity lohahevitra ity koa manampy ahy hahafantatra bebe kokoa an’io zava-misy io. Noho izany, miaraka aminao  koa aho dia afaka mandray fanapahan-kevitra hamela an’Andriamanitra hanavao ny saiko, araka izay azo atao =)

Jereo anie ity andian-teny malaza ity: “Aza manaraka ny fanaon’izao tontolo izao, fa miovà amin’ny fanavaozana ny saina, hamantaranareo ny sitrapon’Andriamanitra, dia izay tsara sady ankasitrahana no marina. ” (Romana 12:2).

Rehefa manavao ny saintsika Andriamanitra dia miova ny fiainantsika manontolo! Raha ny marina, amin’izay fotoana izay isika no manomboka mahatsapa tanteraka fa tsara sy mahafinaritra ary tonga lafatra ny sitrapon’Andriamanitra ho antsika.

Raha amin’ny lafiny hafa dia, rehefa manavao ny sainao Andriamanitra dia manova ny fomba fijerinao ny fiainana izany.

Ny fahavalo dia miezaka foana hampiasa saina antsika  amin’ny olantsika, ny tahotsika, ny faniriantsika, ny fitiavan-tenantsika, ny tebitebintsika… Tiany hifantoka momba ny  tenantsika ihany ny saintsika.

Rehefa mikasika antsika anefa Andriamanitra ka manomboka mihavao ny saintsika dia lasa ivon’ny eritreritsika Izy, ary lasa manomboka mirindra tsara ny zava-drehetra! =)

Ry namako, katsaho isan’andro ny hanavaozan’Andriamanitra ny fanahinao!

Misy dikany ny zava-drehetra ary mihamazava kokoa rehefa mametraka Azy ho ivon’ny fiainantsika isika, ary manao ny Sitrapony ho faniriantsika lehibe indrindra.

Antom-bavako sy ato am-poko ianao,