⛪️ Sokafy ny varavaran’ny fitahiana!

Ny fahalalahan-tanana dia iray amin’ireo zavatra ahafahantsika miaina fitahiana maro eo amin’ny fiainantsika.
Tsaroako fa rehefa nanomboka ny fianarako tamin’ny fampianarana tany amin’ny oniversite aho dia nanolo-tena ho mpitarika ny kilasy.
Avy eo dia namorona vondrona miaraka amin’ny mpianatra ao an-dakilasy aho, ary nampitambatra ny adiresy mailaka rehetra, mba hahafahanay mandefa fampandrenesana azy ireo sy mandrindra ireo zava-dehibe ao an-dakilasy.
Koa satria nanao fitanana an-tsoratra nomerika aho, indray andro dia nanana hevitra ahona : Ahoana moa raha mizara ny rakitra an-tsoratra amin’ny mpianatra rehetra aho? Ary nataoko izany.
Avy eo, nanomboka nandefa tsy tapaka azy ireo ny raki-tsoratro rehetra aho tamin’ny alàlan’ny mailaka, mba hahafahan’izy ireo mampiasa izany ho fanampiana azy handroso. Ary nanohy nanao izany aho nandritra ny efa-taona nianarako.
Niteraka fiovana teo anivon’ny sampam-pianaranay izany ka na dia amin’izao fotoana izao aza, taona maro aty aoriana, dia miresaka momba “ilay lehilahy nizara ny raki-tsorany tamin’ny rehetra” ny olona! Saika lasa olo-malaza aho tao amin’ity oniversite ity, ary izany dia noho ny fihetsika fahalalahan-tanana tsotra =)
Nandritra ny androm-piainako, dia niezaka foana aho mba ho malala-tanana araka izay azo atao amin’ny lafiny rehetra, na amin’ny fotoanako, na amin’ny volako, na amin’ny fanompoana ny hafa. Ary tsy haiko hoe ahoana no hamaritako ny fitahiana sy ny varavarana rehetra izay nosokafan’ny fahalalahan-tanana teo amin’ny fiainako. Mihoatra lavitra ary tsy azoko isaina!
Hoy ny Baiboly: “Omeo, dia mba homena hianareo; fatra tsara sady ahintsana no afatratra ka mihoatra no homeny ho ao am-pofoanareo. Fa izay fatra ataonareo no hamarana ho anareo kosa.” ( Lioka 6:38 ).
Ry namako, rehefa manome amim-pahalalahan-tanana ianao, dia misokatra eo amin’ny fiainanao ny varavaran’ny fitahiana. Jereo ny ohatry ny valim-pitianao:

• Fatra tsara.
• Ahintsana tsara, mba ahafahany mameno imbetsaka araka izay tratra =)
• Afatratra tsara.
• Mihoatra no omeny.

Tena tsy mampino! Manana voninahitra ho mpanoratra ny “Fahagagana isan’andro” aho izao, ary manohy mikatsaka ny ho malala-tanana hatrany araka izay azo atao aho.
Izany no mahatonga ny ekipako hizara aminareo lahatsoratra isan’andro, horonan-tsary, horonam-peo, drafitra famakiana Baiboly ao amin’ny YouVersion, … ary manohy mitady hevitra vaovao aho hanampy anao hitombo bebe kokoa amin’ny fifandraisanao amin’Andriamanitra. Manantena aho fa ny ezaka ataontsika dia ho fitahiana lehibe ho an’ny fiainanao, ry namako!
Mitondra anao ato am-poko aho.