☁️ Fantatrao ve ny anaranao any an-danitra?

Tena zava-dehibe ao amin’ny Baiboly ny anarana. Hany ka Andriamanitra dia nanova anaran’ny olona maromaro tao amin’ny Baiboly mba hifanaraka amin’ny fiantsoana sy ny teny fampanantenana nomaniny ho an’ny fiainan’izy ireo ny anarany.

Izany no nitranga tamin’i Abrama, novain’Andriamanitra hoe “Abrahama” ny anarany, izay midika hoe “rain’ny maro”, amin’ny teny hebreo.

Eny, na dia efa antitra aza izy ary tsy mbola manan-janaka, ny anarany vaovao dia manambara ny fampanantenan’Andriamanitra momba ny fiainany sy ny natiorany vaovao. Ary an-tapitrisany maro ny taranak’i Abrahama.

Fantatrao ve fa rehefa tonga any an-danitra ianao dia hanome anarana vaovao ho anao Andriamanitra? Izao no nolazain’i Jesosy: « Izay mandresy dia homeko mana miafina sady homeko vato fotsy, ary eo amin’izany vato izany dia misy anaram-baovao voasoratra izay tsy fantatr’olona afa-tsy izay mandray azy ihany. » ( Apokalypsy 2:17)

Tsy andriko ny hahafantatra izay anarana hiantsoan’Andriamanitra ahy rehefa tonga any aho! Ary ianao ? =)

Ry namako, nomen’Andriamanitra natiora vaovao ianao: ny maha-zanak’Andriamanitra anao. Aza avela hampahatsiahy anao ny lasanao intsony ny fahavalo.

Tsy “mpanota nibebaka” mahonena ianao, milanja ny vesatry ny lasanao. Tsia! Hoy ny Baiboly: “Raha misy olona ao amin’i Kristy, dia olom-baovao izy. Efa lasa ny zavatra taloha; indro, efa tonga vaovao ny zavatra rehetra.” (2 Korintiana 5:17)

Ry namako, olom-baovao ianao, ary manana hoavy be voninahitra ho anao Andriamanitra. Noho izany, esory ao an-tsainao ny lainga sy ny fiampangan’ny fahavalo rehetra, ary meteza hamirapiratra amin’ny fahazavan’Andriamanitra!