Ny nahafatesan’i Jesosy
Anio ny andro tena mampalaelo indrindra amin’ity herinandro niarahantsika ity. Ny fahafatesan’i Jesosy dia tsy resaka maivana na mora, kanefa dia FENO fanantenana ao amin’ny notanterahin’i Jesosy ho anao sy ho ahy.
Ny zoma dia nivadika ho fitaka sy fampahoriana mafy mialohan’ny ora nitarika tamin’ny fahafatesany.
Talohan’ny tamin’ny 9 ora maraina dia efa niaritra ny henatry ny fanendrinkendrehana, ny fanamelohana, ny eso, ny kapoka ary ny fandaozana i Jesosy. Taorian’ny fitsapana eso maro dia nambara fa ho vonoina ho faty eo amin’ny hazo fijaliana i Jesosy, izay anisan’ny fomba ratsy sy manala baraka indrindra raha samy fahafatesana noforonin’olombelona. Ny fahafatesan’i Jesosy dia “mampijaly” izay midika ara-bakiteny hoe “avy amin’ny hazo fijaliana”.
Talohan’ny nandehanany dia nororan’ireo miaramila i Kristy, nokorotaniny ary noesoiny ary nasiany satro tsilo. Avy eo dia nentin’i Jesosy ny hazo fijaliany hatreny kalvary ary dia mbola noesoina sy nompain’ireo miaramila romana Izy no sady nofantsihany.
Niteny fehezan-teny fito Jesosy teo amin’ny hazo fijaliana. Ny teniny voalohany dia hoe “Raiko ô, mamelà ny helony, fa tsy fantany izay ataony” (Lioka 23:34). Ary ny nolazainy farany dia hoe : “Raiko ô, eo an-tananao no atolotro ny fanahiko” (Lioka 23:46).
Ireo teny ireo sy ireo teo aloha dia noteneniny ho anao. Rehefa namela anao sy natoky ny planin’ny Ray amin’ny famonjena antsika Jesosy dia nametraka ny sehatra ho amin’ny fotoana be fanantenana indrindra teo amin’ny tantaran’ny olombelona.
Avy ao amin’ny fahafatesana no nipoitra ny famonjena mandrakizay ary ny famindram-po ho an’ny tsirairay izay mino ny anaran’i Jesosy. Fahagagana izany!
Amin’ity zoma masina ity dia te hampahery anao aho handroso bebe kokoa. Andro mahafinaritra izao handehanana any amin’ny fiangonana manaja ny fiainan’i Jesosy sy handraisana ny fanasan’ny Tompo ary hiderana Azy.
Omaly Jesosy dia niteny tamintsika hoe “ ataovy izao ho fahatsiarovana Ahy” (Lioka 22:19). Anio dia misafidiana hankatoa. Raha tsy afaka mandeha any am-piangonana ianao noho ny fahasembanana, dia maka fotoana ary manaraha fotoam-pivavahana amin’ny aterineto izay handraisanao fanantenana miaraka amin’ireo rahalahy sy rahavavinao ao amin’i Kristy maneran-tany.
Maty ho anao Jesosy! Tonga Izy ary maty noho ity antony ity: “Izaho avy mba hananany fiainana, sady hananany be dia be. Izaho no Mpiandry Tsara; ny Mpiandry Tsara manolotra ny ainy hamonjy ny ondry” (Jaona 10:10-11).
Eny fa na amin’ity zoma an’ny herinandro masina ity dia tonga fahamarinana ho antsika ny fanantenana ao amin’i Jesosy. Hajao ny fiainan’i Jesosy amin’ny fahatsiarovanao Azy…anio.
