Toerana iray eo anilan’i Jesosy

Androany isika dia tonga amin’ny andro farany amin’ny andian-dahatsoratra izay mamporisika antsika handroso hatrany, tsy hiverina isika. Manantena aho fa nanome aingam-panahy anao tamin’ny hevitra maro Andriamanitra, ary hitazona izany ao am-ponao ianao!
Omaly isika nahita hoe ahoana ny fijalian’i Jesosy teo amin’ny hazofijaliana ary nataony izany ho anao. Ndao haverintsika raisina ny andinin-tsoratra masina omaly ary fenointsika amin’ny famaranana ity andininy ity : « …Izay naharitra ny hazo fijaliana, fa tsy nitandro henatra, mba hahazoany ny fifaliana napetraka teo anoloany, ka dia efa mipetraka eo amin’ny ankavanan’ny seza fiandrianan’Andriamanitra izy.” (Hebreo 12:2)
Ny fifaliana noho ny fahafantarana fa ny sorona nataony dia hamonjy anao sy olona an-tapitrisany maro hafa dia nanome hery an’i Jesosy hiaritra ny fahorian’ny hazofijaliana, ary koa izay rehetra nitranga teo amin’ny lafiny ara-panahy.
Tamin’izany fotoana izany, natokana ho an’ny jiolahy sy ny mpangalatra ny hazo fijaliana, izany hoe, ny olona ratsy indrindra teo amin’ny fiaraha-monina. Noho izany dia henatra sy ozona teo imason’ny rehetra ny fahavitana sorona teo… Tsy nampaninona an’i Jesosy anefa ny nampifandraisina tamin’ireo olona ireo.
Niaretany ny esoeso, ny fandrorana, ny kapoka karavasy, ny fanendahana, ny totohondry, ny tsilo, ny fantsika, ny fanamby ary ny fahafatesana ratsy indrindra tamin’izany andro izany… ary niaretany ho anao izany.
Nisotro ny kapoaka iray manontolo I Jesosy (Matio 26:39) ary nandoa vidiny lafo, satria fantany fa hanokatra ny varavaran’ny lanitra ho antsika izany.
Tsy nanome lanja ny zavatra rehetra izay hiaretany Izy : Nanao tsinontsinona ny henatra sy ny fahafaham-baraka ampahibemaso izy raha nisafidy ny handalo izany rehetra izany. Nanery an’i Jesosy loatra ny hamonjy antsika ka tsy nieritreritra momba ny fahamendrehany, na ny endriny ivelany Izy !
Izany rehetra izany dia nitarika Azy hibata ny fandresena lehibe indrindra izay nisy, sy hipetraka eo an-tanana ankavanan’ny seza fiandrianan’Andriamanitra. Mendrika izany toerana izay Izy ary mendrika ny hotompoina mandrakizay!
Ary noho ny famindram-pony, isika koa dia mipetraka amin’ny fanahy eo akaikiny, any amin’ny toeran’ny lanitra. (Efesiana 2:6).
Noho izany, raha notsinontsinoavin’i Jesosy ny fijaliana maro mba hamonjena antsika, nahoana isika no tsy ho vonona hiaritra izay rehetra tokony hiaretana ary hiaritra ny fanomezan-tsinin’ny hafa ho Azy ?
Ry namako, fotoana izao tokony hahatapa-kevitra amin’ny fiarahantsika amin’Andriamanitra sy amin’izay antsoiny hotanterahintsika. Tsy nisy na inona na inona nahasakana an’i Jesosy hanome ny zava-drehetra teo amin’ny Hazofijaliana ary tsy misy na inona na inona hahasakana antsika tsy hanompo Azy