Tsy mitsahatra manao fahagagana Andriamanitra!

Tsy mitsahatra ny mitahy anareo aho amin’ny alalan’ny ireo fijoroana vavolombelona voaraiko, izay fantatro fa mampahery anareo amin’izao andro sarotra izao. Eny, manompo Andriamanitra velona isika ary … tsy misy zavatra tsy hainy hatao. Voninahitra ho an’ny Anarany Masina!

• Nila vola aho indray asabotsy alohan’ny mitatao vovonana, mba hamerenana vola nindramina. Tsy nanana na inona na inona aho ary tsaroako ny fijoroanao vavolombelona momba ny toeram-piantsonana sy ny fijoroana vavolombelona nataon’ilay rangahy nahita diamondra ho an’ny asan’Andriamanitra. Hoy aho tamin’ny Tompo : nino I Pasitera Eric Célérier ary nomenao toerana izy; toy izany koa ilay rangahy izay nahita ny vatosoa. Tsy manana olona ianteherana aho, ianao no banjiniko Tompo o; fantatro fa hainao ny manome ahy io vola io. Nino aho ary niantehitra tamin’Andriamanitra tamin’ny heriko rehetra ka nanome Izy. Aleloia, nomeny ahy ilay vola ary ambonin’izany, tanatin’ny fotoana nilàna azy.

• Nahita ny fampanantenan’Andriamanitra teo amin’ny asako aho. Nahazo asa vaovao aho. Ary ankoatra izay dia nanasitrana ahy Andriamanitra rehefa narary lavitra ny fianakaviako aho.

• Tamin’ny fiandohan’ny « Fahagagana isan’andro » dia nanoratra ho an’i Eric aho satria nila vavaka momba ny famatsiana ny fividianana ny tranoko izay nihantona. Nahatsapa ho tena nisy fanohanana ara-panahy aho ary niseho ny fahagagana. Ankehitriny, manana tranoko aho. Misaotra tamin’ny vavaka.

• Nangataka vavaka taminao aho. Koa rehefa nody tao an-trano dia nahita asa avy hatrany ny zanako vavy voalohany izay tena nila asa. Andrana mandritra ny enim-bolana no azony. Fifaliana re izany !

• Fony aho nanomboka nandray sy namaky ny Fahagagana isan’andro dia mbola mpitovo ary efa an-taonany maro no nangatahako tamin’Andriamanitra mba hanomezany ahy namana hiaraka hanompo Azy. Afaka milaza aminao aho fa mahatoky Izy. Notanterahiny ny fangatahako, satria nanambady aho ary andro tena nahafinaritra izany. Fisaorana ho an’Andriamanitra mahatalanjona sy mahery indrindra.

“Mahagaga ny asanao; Ary fantatry ny fanahiko marimarina izany.” (Salamo 139:14)
Ho tohizantsika rahampitso indray. Fa ianao koa, fantatro fa nandray fitahiana ianao teo am-pamakiana ireo fijoroana vavolombelona ireo. Fantaro fa izay nataon’Andriamanitra tamin’ireo olona ireo dia afaka hataony aminao koa. Amen?

Mirary tontolo andro feno fitahiana ho anao ry namako.