Ry Namako, hanao zava-baovao Andriamanitra

Nandefa tenin’ny Soratra Masina taty amiko ny namako, izay nahakasika ahy tokoa. Namboariko ho anao manokana izany.

Hoy ny Baiboly : “Aza mahatsiaro ny lasa, na misaina ny taloha. Indro, Izaho efa hanao zava-baovao ; Koa ankehitriny dia efa miposaka izany ; Tsy hahalala izany va hianareo ? Eny any an’efitra no hanaovako làlana ; Ary any amin’ny tany lao no hasiako ony.” Isaïa 43.18

Ry Namako, aza mahatsiaro ny lasa, na misaina ny taloha !

Ry Namako, hanao zava-baovao Andriamanitra, ary efa ho tonga izany !

Ry Namako, hanao làlana any an’efitra Andriamanitra ary hanisy ony any an-tany lao !

Amena ! Inoako amin’ny foko rehetra izany. Miandry ny asan’Andriamanitra sy ny fahagagana eo amin’ny fiainanao aho.

Ny lasa omban’ny lasa. Aza mamela ny lolom-po, ny fahangidiana, ny traikefa tsara na ratsy hanakana anao tsy hahita ny fahalebiazan’ny zavatra ho ataon’Andriamanitra eo amin’ny fiainanao. Eto amin’ny andinin-soratra masintsika, dia afaka manao làlana any an’efitra Andriamanitra ary mbola afaka ataony izany androany eo amin’ny tany efitra izay lalovanao io.

Misaotra noho ny fisianao,