Ry namako, hitsangana Andriamanitra hiaro anao.

Mahatsaiaro malemy ve ianao eo anatrehan’ny fahavalonao, tratry ny fanafihana sy fanendrikendrehana tsy rariny ?

Izany no nahazo an’i Davida mpanjaka raha nenjehan’i Saoly izy. (jereo Salamo 7)

Vavaka, hira, fanambarana fa Andriamanitra Avo indrindra no fiarovana mafy ho azy no navalin’i Davida an’izany.

Matokia an’Andriamanitra Ry namako. Hitsangana Izy hiaro anao. Izy no fialofanao. Tsy misy tokony ho atahoranao.

Tahaka an’i Davida dia misaora an’Andriamanitra ary mihirà hira fiderana amin’ny anarany. Eny fa na dia sarotsarotra aza izany ety am-piandohana, raha tokony hidera sy hihira ianao dia te hitomany nefa … alefaso, aborahy ny fonao eo amin’ny Fanatrehany, fa aza mijanona ela loatra ao anatin’izany anefa… Mitrakà indray, ankafizo ny lanitra, ambarao fa Izy no fialofanao, lehibe ny fahatsarany ary ny fiarovany dia mameno anao. Tohizo ny fisaorana Azy amin’ny zavatra rehetra, na dia mbola tsy mahita izay lalan-kivoahana ao aza ianao. Ilay fo tia mankasitraka amin’ny fotoana rehetra dia hahakasika an’Andriamanitra, matokia Azy, fa hitsangana Izy mba ho anao.

Hotahianao anie ianao.