Tena mendrika hoderaina andriamanitra

Manahoana ianao ry Namako,
Androany dia hasaiko ianao handinika ity tenin’Andriamanitra mahafinaritra ao amin’ny Salamo 113 ity :
“Haleloia. Miderà, ianareo mpanompon’i Jehovah, miderà ny anaran’i Jehovah, isaorana anie ny anaran’i Jehovah Hatramin’izao ka ho mandrakizay. Hatramin’ny fiposahan’ny masoandro ka hatramin’ny filentehany no hoderaina anie ny anaran’i Jehovah. Avo ambonin’ny jentilisa Jehovah; Ambonin’ny lanitra ny voninahiny. Iza no tahaka an’i Jehovah Andriamanitsika, Izay mipetraka any amin’ny avo, nefa miondrika mijery. Ny any an-danitra sy ny ety an-tany? Manangana ny malahelo hiala amin’ny vovoka Izy ary manandratra ny mahantra ho afaka eo amin’ny zezika, mba hametraka azy ho naman’ny mpanapaka ny olony. Mampitoetra tsara ny momba Izy, fa mahatonga azy ho renin-jaza mifaly. Haleloia.”
Mihira fiderana ho an’ny Tompo. Misaotra Azy. Midera ny anarany amin’ny fiposahan’ny masoandro. Ity salamo ity dia fanasana ho an’ny mponina ety an-tany, tafiditra anatin’izany Madagasikara… izany koa hoe ho aminao ry namako!
● Jehovah, Ilay manapaka ny firenena rehetra (and. 4), dia manangana ihany koa ny malahelo (and. 7)…
● Jehovah, Ilay ambonin’ny olon-drehetra, mitoetra eo afovoan’ny fideran’ny olony !
● Jehovah, Ilay Andriamanitry ny fiainana, maneho ny fahavelomany sy hafanany rehefa midera Azy ianao.
Mino aho fa anio Jehovah dia manangana sy manome hery anao raha iny ianao mampiakatra ny fiderana Azy iny. Jehovah dia miasa amin’ny fiainanao. Ny fahasoavany sy ny fiainany dia hidina aminao. Izay momba dia hanana fiainana indray (and. 8). Eny ! Mametraka anao miaraka amin’ny goavana Andriamanitra, ry namako, amin’ireo lehibe amin’ny olony.
Tsy misy tsara toy ny midera an’i Jehovah ! Satria ny midera Azy dia manambara fa afaka manavotra anao amin’ny fotoana rehetra Izy.
Atombohy sy faràno amin’ny fotoam-piderana, fankalazàna sy fibanjinana an’Ilay Andriamanitra tsara ny tontolo andronao.
Fahagagana ny fisianao!